menu.png

Bible Search

 (Index)


Found entries

•••► •••►
Book Chapter Verse Text
Psalms 1 1 DICHOSO y taotao, ni ti mamomocat gui pinagat y manaelaye, ni y ti sumasaga gui chalan manisao, ni y ti matatachong gui siyan ayo sija y manmanmofefea.
Psalms 1 2 Lao guiya lay Jeova, ayo y minagofña, ya y layña jajaso, jaane yan puenge.
Psalms 1 3 Ya taegüijeja y trongcon jayo ni y matanme gui oriyan sadog, ya guaja tinegchaña gui tiempoña, ya y jagonña ti umalayo; ya todo y finatinasña mumemegae.
Psalms 1 4 Lao ti taegüine y manaelaye; lao parejo yan y paja ni y güinaefe ni y manglo.
Psalms 1 5 Sa enao na ti mangajujulo y manaelaye gui sentensia; ni y manisao gui y inetnon manunas.
Psalms 1 6 Sa si Jeova jatungo y chalan manunas: lao y chalan manaelaye ufanmalingo.
Psalms 2 1 SA jafa na manlalalo y nasion sija, ya y taotao sija manmanjaso y banida?
Psalms 2 2 Manotojgue y ray sija gui tano, ya y prinsipe sija manafaesen entalo sija contra si Jeova, yan contra y pinalaeña, ilegñija:
Psalms 2 3 Nita yulang y guinideña, ya nasuja guiya jita y godeña.
Psalms 2 4 Ya y sumasaga gui langet uchumachaleg: ya y Señot jamofefea sija.
Psalms 2 5 Ayo nae cumuentos yan sija yan y linalaloña: ya y binibuña ninafañatsaga sija.
Psalms 2 6 Lao guajo japolo y rayjo gui jilo Sion, gui santos na egsojo.
Psalms 2 7 Guajo bae jusangan y tinagojo: si Jeova ilegña nu guajo: Lajijo jao; ya guajo julilis jao pago na jaane.
Psalms 2 8 Gagaoyo ya guajo junaejao ni y nasion sija pot y erensiamo ya y uttimon patte y tano, uiyomo.
Psalms 2 9 Ya unyulang sija ni y baran lulog; taegüije y bason y yero unyogyog sija.

Page:   1 2 3 4 5 6