Found entries
| Book | Chapter | Verse | Text |
| Genesis | 7 | 21 | Մեռան երկրի վրայ շարժուող բոլոր կենդանի էակները՝ թռչունները, անասուններն ու գազանները, երկրի վրայ սողացող բոլոր սողուններն ու բոլոր մարդիկ: |
| Genesis | 7 | 22 | Ցամաքի վրայ եղած ամէն բան, որ կենդանի շունչ ունէր իր ռունգերի մէջ, ոչնչացաւ: |
| Genesis | 7 | 23 | Աստուած բնաջնջեց երկրի երեսին գտնուող ամէն մի էակ՝ մարդուց մինչեւ անասուն, սողուններից մինչեւ երկնքի թռչունները: Նրանք վերացան երկրի երեսից: Կենդանի մնաց միայն Նոյը, նաեւ նրանք, որ նրա հետ տապանում էին: |
| Genesis | 7 | 24 | Ջուրը հարիւր յիսուն օր ողողեց երկիրը: |
| Genesis | 8 | 1 | Աստուած յիշեց Նոյին, նրա հետ տապանում գտնուող բոլոր գազաններին, բոլոր անասուններին ու բոլոր թռչուններին: Աստուած հողմ բարձրացրեց երկրի վրայ, եւ անձրեւը դադարեց: |
| Genesis | 8 | 2 | Փակուեցին ստորգետնեայ աղբիւրներն ու երկնքի սահանքները, դադարեց նաեւ երկնքից թափուող անձրեւը: |
| Genesis | 8 | 3 | Ջուրը գնալով իջնում, քաշւում էր երկրի վրայից, եւ հարիւր յիսուն օր անց այն նուազեց: |
| Genesis | 8 | 4 | Եօթներորդ ամսի քսանեօթին տապանը նստեց Արարատ լերան վրայ: |
| Genesis | 8 | 5 | Ջուրը մինչեւ տասներորդ ամիսը քաշւում էր, նուազում: Տասնմէկերորդ ամսի առաջին օրը երեւացին լեռների գագաթները: |
| Genesis | 8 | 6 | Քառասուն օր յետոյ Նոյը բացեց իր կառուցած տապանի պատուհանը: |
| Genesis | 8 | 7 | Նա արձակեց մի ագռաւ, որը գնաց, բայց չվերադարձաւ, մինչեւ որ ջուրը ցամաքէր երկրի վրայից: |
| Genesis | 8 | 8 | Յետոյ նա արձակեց մի աղաւնի՝ տեսնելու, թէ ջրերը քաշուե՞լ են երկրի երեսից: |
| Genesis | 8 | 9 | Աղաւնին իր ոտքը դնելու տեղ չգտնելով՝ վերադարձաւ նրա մօտ՝ տապան, որովհետեւ ջուրը դեռ ծածկել էր ողջ երկիրը: Նոյը երկարեց ձեռքը, բռնեց նրան եւ բերեց իր մօտ՝ տապան: |
| Genesis | 8 | 10 | Նա սպասեց եւս եօթը օր ու տապանից դարձեալ արձակեց աղաւնուն: |
| Genesis | 8 | 11 | Աղաւնին նրա մօտ վերադարձաւ երեկոյեան: Նրա կտուցին ձիթենու մի շիւղ կար: Նոյը դրանից հասկացաւ, որ ջրերը քաշուել են երկրի վրայից: |