menu.png
Lost Password ?

Bible Search

 (Index)


Found entries

•••► •••►
Book Chapter Verse Text
Matthew 5 33 "Ai vi mai ashundian ke sas phendo le phurenge, 'Te na phages chi solax, numa ker so shinadian angla Del ande chi solax.'
Matthew 5 34 Numa me phenav tumenge: te na solaxan vov si, chi po rhaio, ke kotse si o skamin le Devlesko;
Matthew 5 35 ai chi pe phuv, ke kotse si kai thol peske punrhe; chi pe Jerusalem, ke kodo si o foro le bare amperatosko.
Matthew 5 36 Na solaxa chi pe cho shero, ke nashti keres iek bal parno vai kalo.
Matthew 5 37 Te avela chi vorba si ferdi phen 'Si', ai te avela nai ferdi phen 'Nai', te phenesa mai but kodo avel katar o nasul iek."
Matthew 5 38 "Tume ashundian ke sas phendo, 'Iakh anda iakhate, ai dand anda dandeste.'
Matthew 5 39 Numa me phenav tuke: te na potreis numa rhevdisar kodoleske kai kerel tuke nasul. Te dela tut palma pa e chachi rig le moski, ambolde chi e kolaver.
Matthew 5 40 Te mangela vari kon te del tut pe kris, te lel cho gat, de les vi chi raxami.
Matthew 5 41 Te kerela tut vari kon pe zor te zhas iek kilimetro, zha lesa dui.
Matthew 5 42 De ka kodo kai mangel tutar; ai na zhatar katar kodo kai mangel vunzhele tutar."
Matthew 5 43 "Tume ashundian ke sas phendo, 'Ke trobul te avel tuke drago cho vortako, ai te vurhitsis che duzhmanon.'
Matthew 5 44 Numa me phenav tumenge: te avel tumenge drago tumare duzhmaia, rhugin kodolenge kai den tumen armaia, keren mishtimos kodolenge kai san lenge vurhito, ai rhugin kodolenge kai keren tumenge nasul, ai chinuin tume.
Matthew 5 45 Kashte te aven shave tumare Dadeske kai si ando rhaio. Ke wo kerel te wushtel o kham vi pel nasul ai vi pel lashe, kerel te del breshind pe kodola kai si vorta ai vi pe kodola kai nai vorta.
Matthew 5 46 Ke te avela tumenge drago ferdi kodola kai san lenge drago, che mishtimos si tume chi keren sa kadia? Le manush kai chiden e taksa.
Matthew 5 47 Ai te dena dies lasho ferdi tumare phralen, so keren mai but kavrendar, chi keren vi le manush kai chiden e taksa sa kadia.

Page:   4 5 6 7 8 9 10 11 12 13 14